(Arjouna
touse pou atir zot latansion. Angela ek Rawana
tourne anmemta. Arjouna fixe Angela ki paret
anbarase. Li bes latet. Arjouna al asiz kot latab,
ouver liv la pou fer enn lantre. Li get Rawana,
so lizie ranpli ar laenn, lerla li koumans ekrir).
RAWANA: Tou
korek Arjouna. A!
Mo finn bliye prezant
toi. Angela, samem
nou zenn intelektiel,
fitir minis agrikiltir.
(Riye
foutan). (Angela
pa get li) . Ki arive, zot de. Timid? To trouve Angela, to pe intimid nou zeni.
Ki manier, li bien?
ARJOUNA:(Ironik). Tou korek. (Li
pe ekrir.)
ANGELA: Bon, mo ale.
RAWANA: Ki to prese. Arjouna, Madam ole kone si li bien. Mo dir li ki li korek
me li pa'le koir.
ARJOUNA: Li bien feb, li bien fay, li bien bizin enn dokter. (Li
lev latet pou get Rawana).
RAWANA: Kifer to bizin ekzazere? (Angela
ek Arjouna pe fixe li.) Bon, les mo
al get li ar mo lizie. (Li sorti par laport agos).
