|
Senn 13
(Arjouna tousel. Li pas enn mousoir lor so
fron. Li soupire, li al ouver laport adroit,
get deor, referm li. Li vinn kot latab, asiz
lor la, pran so liv, ouver li, lev so latet,
fixe divan li, sakouy so latet, ferm liv la,
zet li lor latab. Enn ti riye sek, koumadir li
pe boufonn limem, sirtou so pase. Li leve, al
ver laport agos.)
ARJOUNA: Pierre,
degaze. Tansion li
vinn enn kou antret.
(Li
get so mont, get
telefonn. Li avoy
lame pou lev resepter
la, ezite) ... Angela ena rezon … zame
mo pou gagn kouraz fer seki mo konsians dir moi. (Li
ris enn sez, asize, so latet dan so lame). Mo dimann moi si Zezi revinn lor later pa pou ena
dimoun ki pou rod rekoulout li lor lakroi.
|
