PIERRE: Sef, bizin fer kiksoz, sinon li pou mor. Andire respire li nepli kapav.
Sef, fer kiksoz, Sef.
ARJOUNA: Ki mo kapav fer?
PIERRE: Telefonn "Headquarters", dir zot avoy enn dokter vit. Sef,
pa kapav tarde, so lavi andanze.
ARJOUNA:(Inpouisan). Me li kont regleman. Mo pa kapav Pierre. Mo bien
anvi. Mo'si mo'le sov so lavi, me mo pa ena sa pouvoir la.
PIERRE: Ki ou pou perdi? ... Les mo telefone ...
ARJOUNA: Non. Ou pa sipoze konn nanye.
PIERRE: Me mo kone sef. Sa sanz tou ...
ARJOUNA:(Ezite,
dezespere). Me ... (Son pa kot laport adroit.)Tansion
li vini (Li galoupe al ferm laport agos akle. Kikenn
tap laport adroit. Arjouna al ouver. Pierre diboute ar so goble dite dan so lame.)
