Mirak Divali

Bann zetoil lor later pe transpers tou bann voil. 

Gran freser rnarenoir pe fonn ar nou saler,

Lalimier dan leker pe ekler bann lapas,

Tras sime voiyazer, efas tas dan lespas. 

Bann sante tou kouler pe chombo liniver,

Bann mitay kolorye ar parfin laroze

Kouma harr dan leker pe sikre santiman,

Fer disan bann imin bliye gran, bliye ran. 

Lamizik Divali ar parfin kolorye 

Pe aroz bann petal lor sime so zanfan. 

Bann miray pe grene! Tou bann far alime!

A BonDie! Fer mirak Divali kontinie! 

Nou tou bann voiyazer lor later efemer 

Me nou ranz bann miray otour nou kont ser-frer,

Pas letan louk voizin atraver trou miray.

Bann miray pe grene! Anou partaz mitay!