To koir dan karo brile tou
finn tingn. Pa koir sa monoir. Non, non, non matlo.
Get bien e to pou trouv veritab sekre. Sekre nou
tou tro kaylous pou trouve.
Dan karo brile, lor
miray ros ki separ rigol ouver to lizie, get
bien. To pa trouve? La. Enn ti leker ver ar enn
ti poin zonn dan enn milimet later kale ant de
ros noirsi par karbonn inpir. To'nn trouv sa
mirak la. Mirak lavi.
Dime kan to revini ... si
elikopter larme pa finn farous bann zoizo ...
kan to revini dime, to pou trouv dan sak milimet
later kale ant ros brile tiz anfler.
