Fit to Krayon

Fit to kreyon, aprann to tab,

Pa les masinn siz dan to plas.

Servi masinn pou dekouver

Limansite nou liniver;

Fer to serfing, pa per piti,

Me pa bliye ki to ete.

Naz dan lespas sibernetik,

Servi rezo, explor bann sayt,

Ramas otan linformasion,

Fale pa rans boir konesans.

Me atansion! Pa perdi gou

Ekout zoizo sant so sante.

Fit to kreyon, aprann to tab,

Pa les masinn siz dan to plas.