Enn to sékré

Mo sel risess

Li dan promess

Enn ti sékré

Paress somey

Karess soley

Dan mo lizié

Dir mwa tifi

Kifèr lavi

Sitan sérié

Dir mwa béti

Kifèr mwanvi

Ferm mo lizié

Rétrouv frésèr létan lontan

Viv linosanss mo ti zanfan

Rétrouv sourir détanzantan

Kontign révé arett létan

Mo sel fébless

Li dan tristess

Nou bann régré

Violanss lahenn

Silanss lapenn

Lavi brizé

Vizaz lagèr

Zéni malèr

Ki triyangé

Zanfan mizèr

Bol lapousièr

Fizi kriyé

Kan lakolèr finn swazir kan

Parol mantèr nouri tourman

Kontign ploré ploré zanfan

Arett révé perdi létan

Mo sel promess

Li dan risess

Lavérité

San fèr serman

San fèr sanblan

Mo existé

Parfwa lanvi

Zamé fini

So kantité

Parfwa lavi

Enn komédi

Ki tro sérié

Dan ki pou krwar do mo zanfan

Kan linzistiss fèr so foutan

Kan dan fénwar kan tro souvan

Tou nou bann rèv mor lor brizan

Mo sel fébless

Li dan tristess

To délizié

Dé ti lagrin

Zako sagrin

Anvi ploré

Dan linivèr

Ki alanvèr

Mo pa koné

Si lor latèr

Nou konn koulèr

Enn ti sékré…